Rainwater brings life to San Jose, Romblon

The municipality of San Jose, located on Carabao Island, the southernmost tip of the province of Romblon, has clear blue waters and powder-fine white sandy beaches. Despite this idyllic setting, 61.8% of island’s population – approximately 5,300 people - do not have access to clean, potable water. The only option for households to procure water for their daily needs is to travel by pumpboat at 5am from San Jose to the mainland municipality of Santa Fe, and return by the only boat available for the day, at 10am. This time does not include the hours of land travel from their homes to the seaside. Much of the villagers’ time is spent fetching water, leaving little time for education and livelihood. Compounding the situation, electricity is only available only from 4:00 a.m. to 6 a.m. and 5 p.m. to 10:00 p.m. Factors such as these have contributed to economic hardship in the area – an indicator of which is that only 7% of the household heads have reached high school and 4% have any college education.

Through a grant from The Coca-Cola Foundation (Atlanta) access to clean water will soon become a reality for 500 households in the municipality of San Jose – each of whom will be given their own rainwater cistern through the Peace & Equity Foundation, one of the Coca-Cola Foundation Philippines’ partner NGOs. Last April 15, 2009, the Foundation attended the groundbreaking ceremonies beside the home of one of the beneficiary families. “The Foundation’s goal is to provide clean drinking water for the poor communities who have little or no access to water,” said Cecile Alcantara, President of the Coca-Cola Foundation Philippines. Ms. Alcantara also stated that the rainwater harvesting projects under the banner of the Foundation’s “Rainwater for Life” program, are part of the worldwide commitment of Coca-Cola to responsible water stewardship, an area the Company feels it has the most significant opportunity to make a positive difference. “The ultimate goal of the Coca-Cola system shall be in returning every drop of water used in all of our business and manufacturing processes worldwide back to the environment through locally relevant projects,” Alcantara noted.


Each rainwater tank can store 3,000 liters of water, providing an average family of 5-6 persons with enough drinking water to last them a month without needing to refill the tank. Families will also be given bio-sand filters which will ensure the potability of collected rainwater.

In attendance during the ground breaking ceremony were Filipino Tandog, Mayor of San Jose, Vice-Mayor Ronnie Samson, Vice-Governor of Romblon Province Alicia Fetalvero, all of whom acknowledged the help of the Coca-Cola Foundation in providing a clean water source for the community and pledged to support the project through to completion. Moreover, Ms. Veronica Villavicencio, Executive of Director of the Peace & Equity Foundation stressed that great efforts would be undertaken to ensure the success of the project. Representing the beneficiaries of the project, Joey Gusmo, a native of the area, thanked the Foundation for their help in the project and spoke of how the project would benefit the people of San Jose.
Read more...

RSC, University na!

nina Jeofel M. Almoheda at Rocky Lee F. Moscoso



Nilagdaan na nga ni Pangulong Gloria Macapagal Arroyo ang Republic Act 9721 o mas kilala sa Romblon State University Law noong Oktubre 14, 2009 sa Reception Hall ng Palasyo ng Malakanyang.

Sa isang panayam sa lokal na radyo, masayang ibinalita ni Dr. Jeter S. Sespeñe sa mga Romblomanon ang ganap na kumbersiyon ng Romblon State College sa Romblon State University. Ganundin naman ay ipinaabot din ng Kinatawan ng probinsiya, Cong. Eleandro Jesus “Budoy” Madrona ang kanyang kasiyahan at pagbati sa lahat Romblomanon sa pagtatagumpay ng pangarap na ito. Sila ang mga malalaking tao sa likod ng tagumpay na ito. “Parang ngayon ko pa nga lang naramdaman ang pagod, “ ayon pa sa kay Dr. Sespeñe.

Sa isang artikulo sa broadsheet issue ng The Harrow (RSC to RSU, sigurado na!) na kalalabas pa lamang, tinalakay ni kasamang Kin Fajiculay ang mga simulain ng kumbersiyong pang-unibersidad. Isinalaysay niya ang mahabang paglalakbay ng HB 3265, HB 1201, HB 5217 at SB 3079 sa kongreso at senado hanggang sa makarating nga ito sa Malakanyang. Naroon din ang listahan ng mga mambabatas na tumulong upang isulong ang panukalang batas na ito sa plenaryo.

Ngayong ganap na ngang unibersidad ang RSC, maraming inaasahang pagbabagong mangyayari ang taumbayan kagaya na lang ng pagbubukas ng mga panibagong kurso at pagpapasaayos ng mga pasilidad. Hinimok naman ng Pangulo ang mga propesor ng kolehiyo na patuloy na magpakadalubhasa sa pamamagitan ng pagkuha ng mga kurso sa Master at Doktoral upang patuloy na tumaas ang antas ng edukasyon sa pamantasan.
Kaugnay ng kumbersyong ito, isang misa ng pasasalamat ang ipinagdiwang noong Oktubre 19 sa Gymnasium ng unibersidad. Nag-alay ang mga guro at empleyado ng panalangin ng pasasalamat sa katuparan ng pangarap na ito.

Ayon kay Fr. Jose Falogme, ang paring nagdala ng misa, “We acknowledge that it is not of our own efforts that this college has been converted into a university. It is God who made all these possible. And it is but proper that we bring back all the glory and praises to Him!”

RSU San Andres Campus, nakiisa sa pasasalamat

Kasabay namang nagdiwang ng Main Campus ang Tablas Branch San Andres Campus kung saan ay nagkaroon sila ng Thanksgiving mass at parada sa buong bayan ng San Andres noon ding Oktubre 19.

Masiglang inikot ng RSU family sa San Andres ang buong bayan kung saan kanilang isinigaw ang ‘Mabuhay RSU!’ kasabay ng malakas na drumbeats ng RSU San Andres DMC. Sinundan ang kanilang mass ng isang Caravan at Trip sa RSU Agpudlos. Lubos din ang pasasalamat ng mga San Andresanon kina Cong. Madrona at Dr. Sespeñe sa malinaw na katuparan ng kanilang pangarap – isang tunay na unibersidad..

Taliwas sa napapabalitang ang main campus lamang sa Odiongan ang magiging unibersidad, malinaw na nakasaad sa RA 9721, Sek.1 ang ganito ‘The Romblon State College in the Municipality of Odiongan, Province of Romblon is hereby converted into a state university to be known as the Romblon State University, hereinafter referred to as the University integrating therewith the satellite campuses in the municipalities of San Fernando, Cajidiocan, San Agustin, Romblon, Calatrava, San Andres, Santa Fe and Santa Maria.’

Madrona: Kabataang Romblomanon, Matalino ka!

Lubos na pinasasalamatan ng masang Romblomanon ang Congressman para sa patuloy na pagseserbisyo publiko. Siya ngayon ay tinataguriang ‘Ama ng RSU’ kung paanong si dating Assemblyman Jun Ganan noon ang tinaguriang ‘Ama ng RSC’.

Prayoridad mismo ni Cong. Madrona, ang representante ng mga Romblomanon sa Kamara, ang aspetong edukasyon dito sa Marble Capital of the Philippines. Sinimulan niyang isulong ang conversion noon pang 1992 sa pamamagitan ng HB 3265 ngunit hindi ito pinalad na maging RA. Kaya nang mahalal muli bilang Congressman noong 2007, nagsumite siya uli ng HB 1201. Naging maayos ang agos nito sa kongreso, inamendahan at naging HB 5217. Ang HB 5217 ay matagumpay na aprubahan sa mababang kapulungan at ang counterpart nito sa Senado na Senate Bill No. 3079 ay parehong pumatok at naaprubahan din.

Mula noong Agosto, positibong nang naghihintay ang mga Romblomanon, pangunahin na sina Madrona at Sespeñe, sa pirma ni PGMA upang maging ganap na RA ang HB 5217. Ganun na nga ang nangyari nang pormal na lagdaan ng pangulo ang HB 5217 sa Ceremonial Signing sa Malacañang nito lamang Oktubre 14 ganap na 1:25 sa hapon at isinilang ang Romblon State University sa bisa ng RA 9721.

Si Madrona ay matagal ng katuwang ng estudyanteng Romblomanon sa edukasyon. Ilan sa kanyang mga programang pinakikinabangan ng mga kabataan ay ang Congressional Scholarship para sa mga masisipag na estudyante ngunit salat sa pera at ang Bayang Matalino Valedictorian Incentive Project (BMVIP) upang mabigyan ng tulong pinansyal ang mga brilyanteng kabataan na grumadweyt sa elementarya at hayskul na valedictorian. Sa kasalukuyan ay may 13 BMVIP scholars at daan-daang Congressional scholars sa RSU

Ngayong Romblon State University na

Hindi pa tapos ang pakikibaka ng mga Romblomanon. Ang pagiging RSU ay nangangahulugan ng panibagong hamon sa bawat Romblomanon upang masapatan at ma-comply ang requirements ng CHED. Ayon kasi sa RA 9721, Sek. 22, ‘The CHED shall conduct regular monitoring and evaluation to determine continuing compliance with the requirements on university status. In the event that the commission finds that the university does not maintain compliance thereof, it shall submit the appropriate recommendation for the revocation of the university status to the senate’.

Sa kabilang banda, pinatunayan ng RSU ang pagiging unibersidad nang muling makarekord ng 83% passing percentage sa Certified Public Accountants Licensure Examination (CPALE) ngayon lamang Oktubre. Lima ang bagong CPAs ng unibersidad na sumungkit ng mataas na passing rate kumpara sa national na 42%. Ang CPALE ay isa sa pinakamahirap at pinakamahabang board exams sa bansa at ang BS Accountancy program sa unibersidad ang may pinakakaunting estudayanteng nakakasurvive. Isang pagbati ang pinapaabot ng pamunuan ng Harrow kina Katherine F. Aldaya, Rex F. Catipay, Shiela Buen F. Faigao, Gay T. Famero at Erwil M. Roda.

Ganundin naman, lumabas din ngayong Oktubre ang resulta ng Mechanical Engineering Board Exam kung saan dalawa sa mga pumasa ay mula sa unibersidad. Taos puso ang pagbati ng pamunuan ng Harrow sa kanilang dating patnugot na si Ronel F. De la Rosa at ang kasamahan nitong si Rolyn F. Feudo.

Samantala, inaasahang ang RSU ang magbubukas ng pinto para maialok ang Nursing, Abogasya at iba pang kurso dito sa Heart of the Archipelago.

Patuloy namang inaasahan na ang RSU ay makapagprodyus ng mas maraming globally competitive graduates. Ngayong susunod na semestre o sa susunod na taon, inaantisipa ring tataas ang bilang ng magsisi-enrol at ang pagdami ng bilang ng mga propesor na may mga master’s at doctor’s degree.

Ang bumubuo ngayon sa RSU Board of Regents ay sina Hon. Nenalyn Defensor, CHED Commissioner, bilang Chairperson, at Hon. Jeter Sespeñe, kauna-unahang RSU President, bilang Vice Chairman. Ang mga member naman ay sina Sen. Mar Roxas, Rep. Cynthia Villar, Hon. Oskar Balbastro, Hon. Ma. Josefina Abilay, Hon. Antonio Gerundio, Hon. Jim Fondevilla, Hon. Teofilito Rufon, Hon. Venizar Maravilla, Hon. Orley Fadriquel, Hon. Rachel Tagalog at Prof. Nelson Fedelin, ang College Board Secretary.

Ang RSC Science High School

Samantala, bunga ng pagiging RSU ng RSC ay ang napipintong paglipat ng Science High School sa pamunuan ng Department of Education (DepEd) ayon na rin sa probisyon ng RA 9721, Sek. 3, ‘the existing high school shall be transferred to the jurisdiction and supervision of the Department of Education (DepEd): Provided, that the high school shall be allowed to remain and operate within the campus of the University until its students, who are currently enrolled shall have completed their high school education.’ Naipatupad na ang probisyong ito sa ilang mga campus ng unibersidad.

Ganunpaman, binanggit din sa batas na maaring mapanatili pa rin ang isang laboratoy high school na meron lamang limitadong bilang kapag ang unibersidad ay mayroon namang College of Education.

Pagtaas ng matrikula, pinangangambahan

Kinatatakutan naman ng maraming estudyanteng Romblomanon, lalo na ng mga mahihirap na magulang, ang umano’y napipintong pagtaas ng matrikula at iba pang bayarin bunga ng kumbersyon. Gayunpaman, nilinaw ni Prof. Nelson Fedelin, ang University and Regent Secretary, na hindi karakara’y magtataas ang matrikula. Hindi basta-basta ang tuition fee increase dahil dadaan pa ito sa Board of Regents at konsultasyon sa mga estudyante. Ayon pa sa kanya, hindi dahil RSU na ang RSC ay kaagad-agad na magtaas ng matrikula. Idiin niya sa huli na walang pagtaas ng matrikula.

Ang Romblon State University ngayon ang nag-iisang unibersidad sa lalawigan at ang ikatlong unibersidad sa Region 4-B MIMAROPA kasunod ng Palawan State University at Western Philippine University. Read more...

Romblon Youth Development Council, kasado sa SP

Ni Abbygail Jaylo

Sa paglalayong mahasa at maitaas ang potensyal ng mga kabataan bilang isang responsable at maaasahang miyembro ng pamayanan, ipinasa at inaprubahan ng Provincial Board ng Romblon ang “Romblon Youth Development Council” na nagbigay-daan sa pagpapatibay at pagpapalawak ng mga serbisyong inilaan ng mga ahensyang pang-gobyerno sa mga mamamayan ng Romblon.

Binigyang-diin ni Sangguniang Panlalawigan (SP) Member Dong-dong Ylagan, ang may-akda ng nasabing ordinansa at part-time instructor sa Political Science ng Romblon State College - Institute of Arts and Sciences, na ito ang unang hakbang ng lokal na pamahalaan ng Romblon upang maibigay ang mga pangangailangan ng mga kabataang Romblomanon.

Isa sa mga layunin ng ordinansa sa bagong lunsad na Romblon Youth Development Council ay manguna sa paglalaan ng mga serbisyo ukol sa pagbabago para sa ikabubuti ng mga kabataang nag-aaral, sa larangan ng isports, Information Technology, at scholarship programs. Naniniwala si SP Ylagan na marami sa mga estudyante ng RSC ang matutulungan ng nasabing ordinansa.

“Sa tulong ng ordinansang ito, madali nang makakabuo ng mga batas at programang may kinalaman sa kaunlaran ng mga kabataan, at sa pamamagitan ng mga ahensyang pang-gobyerno gayundin ng lokal na pamahalaan ay matugunan ang mga adbokasiya,” pagtatapos ni SP Ylagan.■ Read more...

Ligtas pa sa AH1N1 ang Romblon

Nina Christian Mortel at Carl Jonas Opiana

“Walang kumpirmadong kaso ng AH1N1, kahit suspected case wala tayo,” ito ang pahayag ni G. Ralph N. Falculan ng Provincial Health Office tungkol sa napapabalitang pagkakaroon ng positibong kaso ng AH1N1 sa probinsiya.

"Mga ordinaryong influenza lamang ang meron tayo na minsan ay inaakalang AH1N1 flu. Pansariling panlunas lang ang kailangan dito tulad ng personal hygiene. Sa mga may sintomas, yung mga binabantayan lamang namin ay yung mga high-risk patient kagaya ng mga buntis o may mga malubha o kumplikadong karamdaman. Huwag kayong maniwala sa mga bali-balita lalo’t higit kung walang basehan ang mga ito. Tayo lamang ang wala pang naitatalang kaso ng AH1N1 sa MIMAROPA kaya ligtas pa ang Romblon," dagdag pa niya.

Mas mabahala pa raw dapat ang mga tao sa nakamamatay na dengue dahil may ilang kaso ng naitala dito sa ating probinsya.

Bagama’t ligtas pa ang Romblon sa ngayon, preparado naman daw ang pamunuan ng Romblon Provincial Hospital kung sakaling may magpositibo sa naturang sakit. Nagsanay at nakahanda na ang mga doktor pati na rin ang mga kagamitan tulad ng mga gloves, masks at ang mga swabs galing pa sa Research Institute for Tropical Medicine sa Alabang. Nagsagawa na rin ng kampanyang Iwas AH1N1 ang mga health center ng probinsya. Ito’y sa pamamagitan ng mga information campaign. Ayon sa mga nurse na nakatalaga sa Health Center ng Odiongan, may programa ang lokal na pamahalaan na Barangay Health Emergency Response Team Service. Minomonitor at inaalam ng pangkat ang kalusugan ng mga taong pumapasok ng probinsya sa pamamagitan ng pagbibigay ng mga survey form.

“Ang ating probinsya ay hindi na naghihintay pa na makapagtala ng kaso ng AH1N1. Gumagawa na tayo ng mga paraan upang hindi na umabot pa ang sakit na ito dito sa atin,” komento ng Information Officer sa Opisina ng Gobernador .

Ayon naman kay Dr. Rembert S. Chavez, Medical Officer III ng RSC, ”Walang dapat ipangamba sa naturang sakit. Kailangang panatalihin lang nating laging malakas ang ating resistensya.”

Matatandaan na ang AH1N1 na isang malakas na strain ng swine flu virus ay naging malaking pangamba sa lahat ng tao sa mundo at maging sa Pilipinas dahilan upang maurong ang pagbukas ng mga eskwelahan noong nakaraang Hunyo. Batay sa pinakahuling tala ng World Health Organization nitong nakaraang Hulyo, umaabot na sa 162,380 katao kumpirmadong may AH1N1 at 1,154 na ang namatay sa iba’t ibang panig ng mundo dahil dito.
Read more...